Телын кокымшо кечынже шке омсажым "Самырык этножурналистын школжо" республик кÿкшытан семинар-лабораторий почын. Тудо Марий Кугыжаныш университетын корпуслаштыже 2 гыч 7 декабрь марте эрташ тÿҥалеш. Программе дене келышын, погынышо-влакым этножурналистике дене теорий материал, тӱрлӧ семинар ден практический паша-влак вучат.

• Видео: О Школе молодого этножурналиста
• Первый день Школы молодого этножурналиста

• Новый проект: Школа молодого этножурналиста

Мероприятийым почмо деч вара тунемаш кумылан-влак Российысе журналист ушемын Марий пӧлкажым вуйлатыше Оксана Старикова дене вашлийыныт. Тудо журналист ушемын пашаже дене палдарен. Пуымо информацийым илышысе пример-влак дене кылден, сандене самырык журналист-влаклан тудын каласакалымыжым умылаш куштылго лийын. Тыге жапат шижде, моткоч писын эртен каен. Мутат уке, тиде вашлиймаш кажныжлан шергакан – пашам ышташ кумылым ылыжтен, у шонымаш-влакым шочыктен.

Старикован мутшо почеш, журналист лияш куштылго огыл. Тиде вет чынак. Южгунамже омсам огыт поч гын, окна гыч пураш верештеш. Тунамак тудо палемдыш, журналитсын пашаже моткоч оҥай да кӱлешан. Эн тӱҥжӧ, лӱдын, ӧрын, вожыл шогыман огыл. Шке шонымашке эреак шуаш тыршыман.

Автор: Андрей Кошаев.

• Школа молодого этножурналиста в Республике Марий Эл
• АНО "ИНТЕЛЛЕКТУАЛ"
• НОВОЕ ПОКОЛЕНИЕ
• У ТУКЫМ