«Саскавий-влак» у проектым илышыш шыҥдарат

Вход на сайт

«Саскавий» марий ӱдырамаш ушем вуйверын погынымашыже 12 ноябрьыште эртен. Ик эн ончыч Ушемын у проектшым илышыш шыҥдарыме нерген йодышым каҥашеныт. Ираида Степанова «Мый улам марий ӱдырамаш» вашлиймаш кас-влакым эртараш темлен. Икымше вашлиймаш 5 декабрьыште Марий самырык театрыште кумдан палыме диктор Роза Рябцева дене лиеш.

Вуйвер погынымаш годым Шернур районыш кайышаш нергенат ойлышт. Тушко 15 ноябрьыште верысе ӱдырамаш-влак дене вашлиймашым палемденыт. Тиде кечын «Олыкмарий-влакын кавасе ватышт» фильм да марий ӱдырамашын ешыште, илышыште рольжо нерген мутланаш тӱҥалыт.

Тыгак «саскавий»-влак Марий Эл Кугыжаныш премийлан темлалтше марий ӱдырамаш-влак Ираида Степанова (калык усталык аланыште) ден Зоя Глушковам (Дудина – сылнымут аланыште) серыш дене подержать ышташ каҥашеныт. «Саскавий» ушем нине чолга еҥын пашаштым кӱкшын акла да Кугыжаныш премийым налшаш улыт манын палемда.

Автор: Эльвира Куклина.

IMG_0808-.jpg

IMG_0812-.jpg

IMG_0813-.jpg

IMG_0814-.jpg

IMG_0816-_0.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.