«ИНТЕЛЛЕКТУАЛ» ресурс тÿвыра-увер рÿдер пелен «Калыкле унагудо» («Национальная гостиная») вашлиймаш-влак эртат. Тылзылан ик гана, кумшо вӱргече, 18 шагатлан. Тыште шымлызе, писатель, актёр да усталык, калык тÿвыра паша дене кылдалтше палыме еҥ-влак дене вашлийыт.

Калыкле унагудо офлайн да онлайн эрта. Тудо Россий калык-влакын тÿвыра поянлыкышт идалыклан пӧлеклалтеш.

Икымше тыгай вашлиймаш 16 февральыште «Йоҥгалт, марий кӱсле!» теме дене лиеш. Музыкант, кӱслезе, туныктышо Людмила Григорьевна Плотникова дене вашлийына. Людмила Григорьевна 32 ий «Марий Эл» кугыжаныш куштышо ансамбльын оркестрыштыже шоктен, 22 ий утла «Лира» сымыктыш школышто туныкта. Марий Эл Республикын сулло артистше.

Офлайн вашлиймашыш логалаш возалташ кӱлеш. Ватсап, вайбер, телеграмм гоч: 8 999 145 38 76

Адрес: Йошкар-Ола, Йошкар Армий урем, 41-ше пӧрт, 407-ше пӧлем.

• Национальная гостиная. Калыкле унагудо