Марий дискотеке – Йошкар-Олаште кажне вӱргечын

Вход на сайт

Марий, руш, татар, башкир, армян да ятыр тӱрлӧ калыкын ӱдыр-рвезыже-влак 6 ноябрьыште Ленин лӱмеш тӱвыра полатыште (Йошкар-Ола) чумыргеныт. Нуным Марий тӱвыра рӱдерын йӱла почеш эртарыме «Рвезылык» Марий дискотекыже пырля ыштен. Палемдыман, пытартыш жапыште кажне гана тыгай Марий дискотеке посна темылан пӧлеклалтеш. Теве икымше курсышто тунемше-влакым студент радамыш пуртеныт, спорт денат дискотекым кылден моштеныт, касс Финн-угор калык-влакын кечыштланат пӧлеклалтын. А ты гана Калык-влакын икоян улмо кечыштым да Марий Эл Республикын кечыжым палемденыт.

Чынак, мемнан республикына да элна калык-влаклан поян. Ме тӱрлӧ улына, тыге икте-весым умылен, пагален, ваш-ваш полшен да тӱрлӧ калык тӱвырам пален, йӱлам аклен илышаш улына. Тиде шонымашак Марий тӱвыра рӱдерын еҥже-влакым Марий дискотекым ты темылан пӧлеклаш таратен.

Дискотекыште тӱрлӧ йылме дене муро-влак йоҥгалтыныт, калык семӱзгар-влак почеш шокталтеныт, ятыр калыкын куштымашыжым ужаш лийын. Ӱдыр-рвезе-влакым модыш-влак иктеш лияш таратеныт.

Вес Марий дискотеке 13 ноябрьыште эрта. Тудо Тӱнямбал порылык кечылан пӧлеклалтеш да «Поро паша кок ӱмырым ила» маналтеш. Адак тӱрлӧ модыш, конкурс вучат.

20 ноябрьыште «Йоча пагыт – пеледыш пагыт» лӱман дискотеке лиеш. Тудо Тӱнямбал йоча кече дене кылдалтеш. Организатор-влак гармонь да тӱмыр почеш кушташ, такмак-влакым мураш ӱжыт.

27 ноябрьлан «Кече – икте, ава – икте» темым ойырымо. Тидлан дискотекыш унала самырык поэтесса Татьяна Петрова да «Марий мурсем» ансамбль толыт.

Марий дискотекын тӱҥалме жапше: 20 шагат.

Автор: Эльвира Куклина.

IMG_0481-.jpg

IMG_0506-.jpg

IMG_0507-.jpg

IMG_0514-.jpg

IMG_0524-.jpg

IMG_0533-.jpg

IMG_0544-.jpg

IMG_0557-.jpg

IMG_0560-.jpg

IMG_0573-.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.