Анаталия Фёдоровна Осининалан – 90 ий (видеопоздравлений)

Шергакана, пагалыме да йöратыме Анаталия Фёдоровна! 90 ий – тиде нимучашдыме кугу нелытан, шерге акан ийгот. Ме, «ИНТЕЛЛЕКТУАЛ» тÿвыра-увер рÿдерын пашаеҥже-влак, «Кувавайын шондыкшо» проектын командыже, Тендам шокшын-шокшын саламлена.

Анаталия Фёдоровна, кажне кечым шыргыж, порын вашлийза. Чоныштыда ласкалык озаланыже, шÿмдам кечыйол ырыктыже, кумылда эреак кÿшнö лийже, шинчада пиал дене йÿлыжö. Пеҥгыде-пеҥгыде тазалыкым, кужу-кужу ÿмырым, воктене – ÿшанле йолташ-влакым. Ме Тендам, чынже денак, аклена, пагалена, йöратена. Ме Тендан дене кугешнена! Кертме семын мияш тыршена.

Пайремда дене, йöратыме Анаталия Фёдоровна!

*********************************

Анаталия Фёдоровна Осинина – тылын ветеранже, ынде 1993 ий гыч Кужеҥер шоҥго пöртыштö ила. Тудо Советский район Эҥермучаш ялыште шочын-кушкын, Кужеҥер район Йорош ялыш марлан лектын. Шочмо кечыже – 3 октябрьыште.

Анаталиян школыш коштмо пагытыштыже тунемаш неле лийын. Ешыште – вич йоча, ачашт уке – вашке илыш дене чеверласен, Анаталия талукаш аза гына кодын. Тыге кочкаш ситен огыл. Сандене изи ÿдыр кумшо класс марте веле тунем кертын.

Кугу Ачамланде сар тÿҥалме годым Анаталиялан 12 ий лийын. Тиде пагатым героиня тыгерак шарналта:

- Паша шуко логалын. Изи пилам налын, чодыраш каенна, фермыш кошталтын. Сар пытымек, колхозышто пашам ыштенам. Тунам пашадарым тÿлен огытыл, тетрадеш тоям веле удырат ыле. Вара лу теҥгем тÿлаш тÿҥалыныт.

Кандаш ий дояркылан пашам ыштенам. Тул лийын огыл, сандене 16 ушкалым кид дене лÿшташ, кÿвырым эрыкташ логалын. Терысым шкеак луктынна, олымым нумаланна. Ферме воктеке силосым конден ястарат ыле, тудымат ведра але мешак дене нумалынна. Тылеч вара сӧснам кум ий ончышым. Вара кок ият пеле смола заводышто ыштышым. Завод пытымеке, сплавыш колтышт. Ночко йолан шуко коштынна. Икана кастене сплав гыч толмына годым затор лийын, а мый вончаш чот лÿдынам, но моло деч шоген кодаш огыл манын, каяш логале. Сер тÿрыш гына шуым: пырня кож-ж тарваныш. Мыйын почеш Павыл Ониса толеш ыле. Тудо вÿдыш пуреҥгаен. Юмылан тау, серыш шупшын луктын кертыч. Тыгак ÿмырем эртен.

Кызыт Анаталия Фёдоровна деке изажын ÿдыржö-влак коштыт. Нуно кочкаш-йÿашыже кондат, чиемым налыт. Ӱдырамашат родыж-влаклан шийвундо дене полшаш тырша.

Статьям ыштыме годым «Кугарня» газетлан энертыме.

Шÿм-чон почын... От всей души...

*********************************************
Республиканский социальный проект «Творческие встречи поколений «Кувавайын шондыкшо – Бабушкин сундук» реализует АНО «Культурно-информационный центр «ИНТЕЛЛЕКТУАЛ» при поддержке Министерства социального развития Республики Марий Эл и Фонда президентских грантов. Партнёр (пилотная площадка) проекта: Централизованная библиотечная система Куженерского района Республики Марий Эл.

Напоминаем! Продолжается Республиканский творческий конкурс «Кувавайын шондыкшо – Бабушкин сундук». Принимаются заявки и творческие работы на конкурс в номинациях «Детское творчество», «Опыт бабушек и дедушек» («Опыт старшего возраста»), «Народные умельцы», «Мастера». Творческие работы могут стать приятным подарком для одиноких бабушек и дедушек.

Творческий конкурс «Кувавайын шондыкшо – Бабушкин сундук»

В республике функционируют четыре дома общего типа и девять специальных домов для одиноких престарелых людей. В них проживают около двух тысяч человек.

Официальная интернет-площадка проекта:
www.мариарслан.рф.

Группы в социальных сетях:
@babyshkincyndyk (вКонтакте, facebook)
@babushkincyndyk (instagram)
https://vk.com/babyshkincyndyk
https://www.facebook.com/babyshkincyndyk
https://www.instagram.com/babushkincyndyk

#бабушкинсундук
#кувавайыншондыкшо
#шÿмчонпочын #отвсейдуши

#рцинтеллектуал #мариарслан
#ресурсныйцентр #минсоцразвитияРМЭ
#президентскиегранты #фондпрезидентскихгрантов