27 январьыште Волжский районышто «Портышкем пайрем»

Вход на сайт

2018 ий 27 январьыште Марий Эл Волжский районышто «Портышкем пайрем» эрташ тӱҥалеш. Карай школышто эртыше мероприятийыш «Кугарня» да моло марий газет, журнал редакций пашаеҥ-влак ушнат - Волжский кундемыште илыше лудшышт-влак да район вуйлатыше-влак дене вашлиймаш лиеш.

Тиде кечын Карай весела йӱк-йӱан дене темеш. Чыла уна-влакым портышкемым чиен толаш ӱжыт, кӧн уке гын, тиде кечын эртаралтше ярмиҥгаште налаш лиеш.

Пайрем годым молгунамсе семынак портышкемым йӧрымӧ пашам ончыктат, йоча-влак сувенир шотеш изи портышкемым «пӧрдыктен» ямдылат. Тыгак тӱрлӧ портышкемым (изи, кугу, тӱрлӧ тӱсан, тӱрлеман да молат) ончыктымо, тидын денак кылдалтше сӱрет выставке лиеш.

Уремыште, школышто ярмиҥга эрта: йоча-влак шке кид дене ыштыме арверыштым, авашт дене пырля кӱэштме тутло когыльым, тортым кондат, портышкем да моло сатум ужалаш тӱҥалыт.
Весела пайрем Карай тӱвыра пӧртыштӧ концерт дене мучашлалтеш.


«Портышкем пайрем» программе:

09.30-10.00 - Портышкемым, меж вургемым, кочкыш да моло сатум ужалыме ярмиҥга;
Республикысе газет ден журнал редакций вуйлатыше-влакын туныктышо, библиотек пашаеҥ да районысо чолгаеҥ-влак дене вашлиймаш;
10.00 - Пайремым почмаш;
10.10-11.00 - Карай школышто портышкемым йӧрышӧ, тӧрлышӧ-влакын мастарлык классышт, йоча-влакын сувенир пашаштым аклымаш;
Портышкем, сӱрет выставке;
11.00-12.00 - Спорт таҥасымаш, тӱрлӧ конкурс-влак;
12.00-12.10 - Флеш-моб;
12.10-14.00 - Концерт, конкурсым иктешлымаш.

Тел. 8(8362) 45-43-72, 8(83631) 5 47-11.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.