У ий открытке-влак шоҥго пöртлашке миен шуыныт

Вход на сайт

«Марий Эл Радио» у ий вашеш «У ий открытке» конкурсым эртарен. Конкурсыш пурышо 68 паша шоҥго пöртлаште илыше коча-кова-влак деке миен шуын.

Икмыняр арня жапыште редакцийышке ятыр паша пурен. Йошкар-Ола, Морко, Советский, Оршанка, Медведево район да молат. Тÿшкан школ дене пашам ыштыше-влакат лийыныт. Тиде, мутлан, Нурма школ, Семёновкысо школ-интернат, Йошкар-Оласе 9-ше №-ан школ. Еш дене пашам ыштыше - Морко гыч Алексеевмыт, Параньга район Усола гыч Рублёвмыт, Йошкар-Ола гыч Кудрявцевмытын пашашт моткоч чот сылне лийын.

Тыгодым жюри тÿҥ шотышто йоча кид дене ыштыме открытке-влакым ойырен. Тыге кумшо вер дене Оршанке район Кугу Ӧрша школ гыч Софья Козлован пашажым палемдыме, кокымшо верыш Йошкар-Оасе 11-ше №-ан лицейыште тунемше Анастасия Ишуткина лектын. Икымше верым Йошкар-Оласе 2-шо №-ан школышто шинчымашым погышо Алексей Горохов шке пашаж дене сеҥен налын. Чыла паша-влакын фотосÿретыштым Марий Эл Радион интернет воткылсе социал лаштыкыштыже ончал кертыда.

А открытке-влакым «ИНТЕЛЛЕКТУАЛ» тÿвыра-увер рÿдерлан кучыктымо. Тиде организаций «Старость в радость» фонд дене пырля поро кумылан акцийым эртарен. Тыгай акцийыш Российысе 30 утла регион ушнен, да ятыр бизнес-йолташ-влак полыш кидым шуялтеныт. Тыге «ИНТЕЛЛЕКТУАЛ» дене погымо пöлек-влак шоҥго пöртлашке каеныт.

Сайт Всенародной инициативы - www.247000.ru.
Сайт АНО «ИНТТЕЛЛЕКТУАЛ» - www.mariarslan.ru.

Информационный центр «Этнокультурный интернет-журнал «Мари Арслан».
#мневажно #старостьврадость #247000 #союздобровольцевроссии
#союздобро #сдр #командадобра #добровольцы #ИНТЕЛЛЕКТУАЛ

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.