Семинар: "Марий калык йӱла ден пайрем-влак"

Вход на сайт

21-25 октябрьыште Марий тӱвыра рӱдер Йошкар-Олаште «Марий калык йӱла ден пайрем-влак» регион кӱкшытан семинар-практикумым эртара.

Семинар-практикумыш Киров, Пермь, Башкортостан, Татарстан, Свердловск кундемла гыч тӱвыра пашаеҥ-влак толыт. Нуно марий пайрем-влакын ойыртемжым шымлаш, мероприятийлан сценарийым возаш, режиссурым, пайремлан келшыше мурым да куштымашым тунемаш тӱҥалыт.

Семинарзе-влак Марий Элын икмыняр районлашкыже миен коштыт. Тыге Провой кундемыште «Агун мелна» йӱла шуктымым эскерат, Советский районышто «Угинде» пайремым ончат, Марий касыште да финн-угор родо-тукымлан пӧлеклалтше пайремыште лийыт.

«Марий калык йӱла ден пайрем-влак» регион кӱкшытан семинар-практикум «Российын тӱвыраже» федерал целевой программе да «Марий Эл Республикым 2013 ийыште этнокультур могырым вияҥдымаш» республикыште лӱмын ыштыме программе почеш эртаралтеш.

Автор: Галина Ласточкина

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.