Кугече пайремлан пелештыме мут

Вход на сайт

2017 ий 16 апрельыште Кугече пайремым палемдат.

Kygeshe_arslan_0.jpg

О, порын толын шого, Кугече кугу поро кумыл юмына. Порсын лÿҥгалтышет дене нöлтал илян-шамычын (чонан-влакын) илыш кумылыштым. Ош Кече аван, Йÿксö каштан лÿҥгалтышыж марте илыш кумылнам нöлтен шого. Порын толын шогыжо поро Кугече кугу юмына: тичмаш кинде-шинчал дене (рашемдаш лиеш), тичмаш ташлама коркаште шоҥешталт кÿзышö пура шорват дене, пöрдын модын шогышо чумыр мунет дене.

Таче, Кугече кугу юмо, тыланет вуйнам савена, Ош кече йыр индеш илянжым Юмын кашташет пÿктен лукметлан. Ош кече ава, каваште модын лекмет дене куандарен илыш корнынам виктарен шогаш йодына. Илыш кумылна ош туара гай волгалт шогыжо. Кугече чевер муно гай уш-акылан илышна мунлын эртыже. Илыш куатна ташлама пура корка гай нöлталтын шогыжо. Калыкын илыш ÿшан кумылжо ош чевер кече гай волгалт, лÿҥгалт шогыжо.

Информацийым «Марий калыкын кечышотшо. 2017 ий» гыч налме.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.