Марий драматургий таче кечын кузе ила, мо дене шӱла? Нине йодыш-влакым М. Шкетан лӱмеш Марий кугыжаныш драме театр пелен чумыргышо Усталык лабораторийыште каҥашат.

Национальный драматургий йомын толмо нерген таче моло родо-тукым калыкнат ойлат. Сандене самырык автор-влакым куштымаште Шкетан театр поснак азаплана. 2017 ий 5 апрельыште черетан вашлиймаш РФ-ын сулло, Марий Элын калык артистше Василий Домрачеев дене эртен.

Василий Валерьянович самырык автор-влаклан шуко пайдале ой-каҥашым пуэн, возымо пашаште ятыр секретым почын.

Вес вашлиймашым эн кужу жап театрыште тӱҥ режиссерлан, директорлан пашам ыштыше, РФ-ын сулло деятельже Сергей Иванов дене вучена. Сергей Иванович шке жапыштыже тыгак театр пелен драматург-влакым чумырен, нунын дене пашам виктарен шоген. Вашлиймаш 11 апрельыште 18 шагатлан лиеш. Кумылан-влакым пагален ӱжына.

Автор: Татьяна Светлакова, театрын завлитше.
#МариАрслан #театр #спектакль #культура
#искусство #сцена #артист #йошкарола #МарийЭл

• Скоро! Премьера!

• Тӱвыра увер
• Новости культуры
• Афиша