У Торъял район Тошто Торъялын шочшыжо, уста артистке, ший йӱкан шӱшпык гай мурызо Майя Романова ила гын, 2017 ий 23 мартыште 90 ийым тема ыле. Тудын шочмо кечынже, 14 шагатлан, артисткын илыме пӧртыштыжӧ (Йошкар-Ола, Волков урем, 166) шарнымаш оҥам почыт. Журналист, мурызо, артист-влакым да кӧ тудым шарна, пагален ӱжына.

26 мартыште 15.00 шагатлан М.Шкетан лӱмеш Марий кугыжаныш драме театрыште кугу концерт лиеш. Марий эстрадын чолга шӱдыржӧ-влак Зоя Берникова, Геннадий Петухов, Вячеслав Созонов, Светлана Строганова, Иван Смирнов, Роза Искакова, Александр Речкин, Эльвира Токташева, Вадим Краснов да молат шке сылне мураршашышт дене тендан деке вашкат.

Тиде концертын ик ужашыже РСФСР-ын да Марий АССР-ын сулло артисткыже Майя Романовалан пӧлеклалтеш, тудын мурымо мурыж-влакым йоҥгалтараш тӱҥалыт.

Автор: Татьяна Светлакова, театрын завлитше.
#МариАрслан #театр #спектакль #культура
#искусство #сцена #артист #йошкарола #МарийЭл

• Вучыза! Вашке! Премьере!

• Тӱвыра увер
• Новости культуры
• Афиша