Эрдене кузе кечыйолжо
Вӱчкалтен, кажнымат шымата,
Чучеш мыланем шочмо школжо,
Сугыньлен, лач тыгак ужата.

Волгыдо самырык жап...
Чон ӱжеш чоҥешташ, чоҥешташ!
Мыланем - чот йӧратыме жап,
Огеш лий пӧртылташ, пӧртылташ!

Кӧлан вашкыман парт коклашке,
Шинчымашын саскам погыман.
А кӧ ончалеш лач окнашке,
Шарналта йоча жапым коклан.

Йолгорно луктеш вет кугорныш
Вес шомакым садак мый ом кол:
Чолга кумыл, волгыдо корныш
Тый луктат ямдылен, шочмо школ

Василий Крылов. Тиде почеламут мурыш савырнен. Семжым Юрий Бурдаков возен.