«Арслан» журнал «Марий калыкын юмыйӱлаже» викториным увертара. Чыла йодышлан чын да раш вашмутым пуышылан «Энсай» салонын вуйлатышже, марий тӱрызӧ, «Саскавий» марий ӱдырамаш ушем вуйлатышын алмаштышыже Ираида Степанова деч сай пӧлек – шкенжын возымо «Кӱсото – Святая роща» книгаже.

1. Марий калыкын юмыйӱлажын моло йӱла деч посна ойыртемжым палемдаш. Кӱсото нерген мом каласаш лиеш?
2. Марий калык могай юмылан кумал ила? Икмыняржым рашемдаш.
3. Марий калык шнуй талешкыже-влакым эреак пагален, аклен илен. Южуштланат тачат вуйым сава, кумалеш. Нунын радам гыч могай марий шнуй еҥ-влакым паледа? Иктыж нерген кумданрак почын пуаш.

PS: Викторине ӱмаштак увертаралтын, но тудым умбакыже шуяш амал уло. Чаманаш логалеш, ик вашмут гына пурен. Шке йӱланам шагал палена мо? Але шергакан книга уто? Вашмутым электронный почтыш вучена: mari-arslan@mail.ru.