Декабрь тӱналтыште тӱня мучко Инвалид-влакын кечыштлан пӧлеклатше декаде эрта. Шкетан лӱмеш Марий кугыжаныш драме театр кажне ийын тушко уло кумылын ушна.

2 декабрьыште артист-влак Медведево поселкысо тӱвыра пӧртыштӧ эртаралтше пайремыш миеныт. Медведевысе инвалид общество – мемнан эреак вучымо, йӧратыме зрительна.

6 декабрьыште изирак йолташна-влакым театрышкына вучена. Нуныланат пайремым ыштена да тыгак «В некотором царстве» йомакым ончыктена. Тылеч посна икмыняр вере концерт программе дене миен толаш палемдыме.

Кугурак-влакым шулдырак ак дене 10 декабрьыште «Осал чоялык да йӧратымаш» спектакльыш да 17 декабрьыште «Юмынӱдыр» мюзиклыш ӱжына.

Автор: Татьяна Светлакова, Шкетан театрын завлитше.
Хэштег: #МариАрслан #театр #спектакль #культура
#искусство #сцена #артист #йошкарола #МарийЭл

• Усталык лабораторий почылтын

• ПРОГРАММА ПРАЗДНИКА «ДЕНЬ МАРИЙСКОЙ ПИСЬМЕННОСТИ»

• Программа осенней сессии Марийского форума

• Новости культуры
• Афиша