Программе: Эстон делегаций - Марий кундемыште
Вход на сайт
Марий Элыш Эстоний гыч уна-влак толыт. 15 еҥан делегаций тӱҥ шотышто Оршанке районышто лийыт.
Мурым да куштымашым йӧратыше обществын (чынже - Хааня волость гыч куштымаш, модыш да муро общество) еҥыштым 12 августышто Йошкар-Оласе кӱртньыгорно вокзалыште вашлийыт. Нуным вигак Оршанке районыш наҥгаят. Тиде кечын Табашино села дене палыме лийыт, верысе «Любава» фольклор ансамбль дене вашлийыт.
13 августышто Кучко да Изи Кугланур яллаште шнуй памашыште лийыт. Нужавлак ялысе тӱвыра полат пеленсе «Кӱдыроҥгыр» фольклор ансамбль дене вашлийыт. Нуным тыгак Яндыган ялын пайремыштыже вучат.
14 августышто Йошкар-Ола дене палыме лийыт, Оршанке посёлкышто Чиркисе «Ош куэ» ансамбль дене вашлийыт.
15 августышто Тошто Крешын ялыште М.Шкетан лӱмеш тоштер-пӧртыш миен толыт, Кугунур школ пеленсе «Шонанпыл» да ялысе «Какшан сем» ансамбль-влак дене вашлийыт. Тиде кечынак Йошкар-Оласе Чарла кремльыш «Чон ӱжеш Марий паркыш» каныме касыш толыт. Тушто мастер-классым эртарат – эстонла кушташ туныктат.
16 августышто Козьмодемьянск олашке кудалыт. Тушто Кава йымалсе тоштерышке пурат, Йоласал пеленсе кӱслезе ансамбль дене вашлийыт.
17 августышто Йошкар-Олаште Т.Евсеев лӱмеш республикысе краевед да Декоративно-прикладной тоштерлаште лийыт. А кастене нуным мӧҥгышт ужатат.
