2016 ий 12-19 ноябрьыште Йошкар-Олаштына финн-угор театр-влакым ушен шогышо «Майатул» фестиваль эрташ тӱҥалеш.

Палемдыман, тений тудо «Марий Театр Эл» икымше тӱнямбал фестивальын кышкарышкыже пура.

«Марий Театр Эл» – тиде кум фестивальым: «Майатул», «Мост дружбы», «Зимние вечера» да кок тӱнямбал шанче-практический конференцийым – иктыш ушен шогышо театральный комплекс.

Торжественно почмаш 12 ноябрьыште 16 шагатлан М.Шкетан лӱмеш Марий кугыжаныш драме театрыште лиеш. Тиде кечын шке пашажым Финн-угор театр-влакын «Майатул» XI тӱнямбал фестивальже тӱҥалеш. Тудым коми-пермяк театр «Холодное лето» спектакль дене почеш. 21 шагатлан актёрский клуб погына.

Кечывал спектакль-влак Самырык да йоча-влаклан театр-рӱдерыште эртат гын, кастене Шкетан театрыште вучена. Фестиваль 19 ноябрь марте шуйна.

13 ноябрьыште 15 шагатлан Театр берестяных масок (Казым, Ханты-Мансийский АО – Югра) «Младший брат» драмым ончыкта. Тиде театр тений икымше гана фестивальыш ушнен. 18 шагатлан Коми театрын «Инкогнито из Петербурга» мюзиклжым ончаш толза.

Хэштег: #МариАрслан #театр #театршкетана #спектакль #культура
#искусство #сцена #артист #йошкарола #МарийЭл #МАЙАТУЛ

• I Международный фестиваль «Марий Театр Эл»

• XI Международный фестиваль театров
  финно-угорских народов «Майатул»

• Новости культуры
• Афиша