12 июльышто марий калык Сӱремым палемда, а Марий кундемын южо вере (мутлан, Кужеҥер район Йӱледӱр велне) православий пайрем - Петро – марийын илышышкыже шыҥен пурен да марий шӱлышымат налын шуктен манына гын, йӧршынат йоҥылыш огына лий. Вет тиде кечын гармонь почеш марий сем йоҥгалтеш, яллаште икте-весе деке унала коштыт, марий кочкыш дене ваш-ваш сийлат.

А Сӱрем пӱртӱс пелед-волгалт шогымо пагытыште кеҥеж рӱдын, чимарий йӱлан ик эн сылне пайремжылан шотлалтеш. Йӱла почеш, арня ончычак, сӱрем пучым пуалтен, калыкым пайремлан ямдылалташ шижтарат. Сӱрем кумалтыш годым южо кундемыште кажне ийынак вольыкым Юмылан пуат. Кумалтыш эртымеке, эрлашыжым, кугу пайрем тарвана. Самырык тукым тӱрлӧ сынан модыш гычын шке вий-куатшым терга, мастарлыкым, чолгалыкым ончыкта. Самырык пӧръеҥ-влак имне дене таҥасат, кучедалыт, пикш дене лӱйкалат да молат.

Материалым ямдылыме годым Ираида Степанован "Кӱсото - Святая роща" книгажлан эҥертыме.