Марий калыкын лӱмлö эргыже Иван Ямбердовым саламлена (фото, видео)

Вход на сайт

2015 ий идым тылзын 16 кечынже марий калыкын лӱмлö эргыже, Российын сулло сӱретчыже Иван Ямбердов (Ямбердэ) 60 ияш лӱмгечыжым палемдыш. Тиде пайремлан пöлеклалтше ятыр мероприятий Йошкар-Олаште эртыш. Теве калыкле тӱс сымыктыш галерейыште мастар еҥын ончерже почылто. Тушто Ямбердын ик эн палыме пашаже-влакым ужаш лиеш. Мутлан, «Сӱан кечын», «Маскан пайремже», «Марий чодыра», «Кожла мари оза». Посна верым марий ӱдырамаш образ налын. А чылаже галерейыште сӱретчын 45 радынаже аралалтеш.

Иван Ямбердовым саламлаш ятыр еҥ толын. Поро мутым Марий Эл Республикысе виктер вуйлатышын алмаштышыже, тÿвыра, печать да калык-влакын пашашт шотышто министр Михаил Васютин, Марий Оньыжа, Республикысе Кугыжаныш Погын вуйлатышын алмаштышыже Анатолий Иванов да молат ойлышт.

Да, тиде кечын моткоч шуко чон гыч лекше ой йоҥгыш. Толшо уна кокла гыч шукышт Иван Ямбердовым шке йолташыштлан шотлат. Тиде айдеме поро кумылан, азап лийме годым полыш кидым шуялта, кӱлешан каҥашым пуэн сеҥа, куан годымат уло чон дене куанен мошта.

Арам огыл Иван Михайловичын сӱретше-влакат келге шонымашан улыт. Нуным шагат дене ончен шогаш лиеш. Тушто илышым ужат.

А ме, самырык журналист-влак, Иван Михайлович Ямбердовлан умбакыжат вияҥаш да у кӱкшытыш шуаш тыланена. Тек тендан мастарлыкда эре шуаралтеш да калык чоныш шыҥен толеш.

Авторы: Надежда Тимофеева, «Арслан» журналын корреспондентше.

Палашлан: Иван Михайлович Ямбердов родился 16 сентября 1955г. в д.Чодраял Волжского района Марийской АССР (ныне Республики Марий Эл). Учился в Республиканской музыкально-художественной школе-интернате (Национальная президентская школа искусств), Йошкар-Олинском художественном училище, Московском государственном художественном институте им. В.Сурикова. Стипендиат Всероссийского фонда культуры, стипендиат общества М.А. Кастрена. Постоянный участник многих всесоюзных, всероссийских, региональных, зональных и международных выставок в России и за рубежом. Живописец, мастер сюжетно-тематических картин, пейзажной живописи. Заслуженный художник России, заслуженный деятель искусств РМЭ, лауреат Государственной премии РМЭ им. А.В. Григорьева, член Союза художников России с 1983г.

Новости ГТРК "Марий Эл".

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.