Пеледыш тылзын 28-ше кечынже Морко посёлкышто «Литературно-культурное наследие С.Г. Чавайна» Тӱнямбал шанче-практик конференций эртен. Тудо марий сылнымутлан тӱҥалтышым пыштыше Сергей Чавайнын шочмыжлан 125 ий теме лӱмеш пӧлеклалтын.

Конференцийыш 93 йодмаш Марий Эл, Коми, Татарстан, Чуваш кундемла да Финляндий, Эстоний элла гыч пурен. Пленар погынымаште куд докладым колыштыныт. Вара ныл секций пашам ыштен. Тушто Чавайнын творчествыжым школлаште, вузлаште тунемме, финн-угор сылнымутын вияҥ толмыж нерген ойленыт.

Тунамак С.Чавайнын лӱмгечыж лӱмеш ыштыме «Калык верч тыршымаш» медаль дене 10 чолга еҥым палемденыт. Нунын радамыште – шымлызе-влак Раиса Кудрявцева, Галина Бояринова, писатель-шамыч Марий Илибаева, Аркадий Фёдоров, Унчо школын (Морко р-н) марий йылмым туныктышыжо Людмила Григорьева да молат.

Конференцийыш толшо-влак Морко посёлко дене палыме лийыныт, тоштерыш миеныт, школышто, Республикысе худучилищыште тунемше-влакын картинке выставкыштым онченыт.

Программе. Скачать