«КРАВЕЦ - 2015» форум мучашлалтын

Вход на сайт

2015 ий 23 сÿрем, «КРАВЕЦ» молодёжь форумын пытартыш кечыже, журналистике дене кылдалтше темылан пöлеклалтын. Марий Элын палыме журналистше-влак дене вашлиймаш эртен.

Kravez_Arslan36.jpg

«Арслан» этнокультур интернет-журналын тÿҥ редакторже, блоггер Эльвира Куклина интернет-журналистике нерген каласкален. «Марий Эл» ГТРК-н корреспондентше Алёна Иванова телевиденийысе пашан ойыртемже нерген ойлен да шке фильмже-влакым ончыктен.

Кузе ме палена, 2015 ий – литератур идалык. Тыге, «КРАВЕЦыште» кажне отряд писатель М. Шкетанын пьесыже да ойлымашыже-влак почеш изирак инсценировкым ончыктен.

Форумышто Марий Эл Республикысе самырыктукым виктемын еҥже-влак – самырык министр-шамыч – дене вашлиймаш эртен. Кугу делегацийым Марий Эл Республикысе виктемым вуйлатышын алмаштышыжын секретариатшын советникше Галина Пантюхина вуйлатен.

Кас велеш «КРАВЕЦ» форумын пашаже торжественно иктешлалтын. Пагалыме уна-влак - Марий Эл Республикысе виктемым вуйлатышын алмаштышыже, Марий Элын тÿвыра, печать да калык-влакын пашашт шотышто министр Михаил Васютин, Курыкмарий районным вуйлатыше Александр Гурьянов да молат – толыныт. Нуно у тыланымашым ойленыт. Теве Михаил Зиновьевич ик эн чолга организатор-влаклан Марий Элысе главан сомылжым жаплан шуктышо Леонид Маркеловын таумутан серышыжым кучыктен.

Kravez_Arslan32.jpg

Тиде кечын ик еҥат пöлек деч посна кодын огыл. Чылан сертификатым налыныт да ик эн чолгаштлан я Туныктымаш да шинче министерствын, я Тӱвыра, печать да калык-влакын пашашт шотышто министерствын, я Молодёжь инициативный группын, я районын таумутан серышыжым да пöлекым налыныт.

Ӱдыр-рвезе-влак этнодискотекыште каналтеныт да «Келышмаш тулото» йыр шогалын мурым муреныт. Фейервек куандарен.

Kravez_Arslan47.jpg

«КРАВЕЦ - 2015» форум мучашлалтын. 24 сӱремыште Чалымсолаште Н.Игнатев лÿмеш краеведений тоштерыш, Козьмодемьянскыште Кава йымалсе тоштерыш миен савырненыт, шуко шарнымаш да шинчымаш дене мöҥган мöҥгышкышт шаланеныт.

Автор: Надежда Тимофеева, самырык этножурналист.

Kravez_Arslan27.jpg

Kravez_Arslan33_0.jpg

Kravez_Arslan34.jpg

Kravez_Arslan35.jpg

Kravez_Arslan37.jpg

Kravez_Arslan38.jpg

Kravez_Arslan39.jpg

Kravez_Arslan41.jpg

Kravez_Arslan42.jpg0>

Kravez_Arslan50.jpg

Kravez_Arslan51.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.