Мардан Рая: «Кö манеш, мыйын пагыт эртен?» (фото)

Вход на сайт

MardaRaja1_Arslan.jpg2015 ий 16 апрельыште Йоча да самырык-влакын республикысе театр-рÿдерыштышт «Саскавий» марий ÿдырамаш ушем «Мый улам марий ÿдырамаш» кумшо касым эртарыш. Тиде гана поэтессе Мардан Рая (Николаева Раисия Ивановна) уна лие.

Кумдан палыме поэтессам калык рÿж кидсовышым кырен вашлие.

Кас Ираида Степанован «Кÿсото» книгаж гыч сугыньлымо мутым лудмо дене тÿҥале. Кумдан палыме марий диктор Роза Рябцева почеламутым йоҥгалтарыш, а Максим Громов кÿсле дене ныжылгын шоктыш.

Вашлиймаш касыште Раисия Ивановна Николаеван илыш корныжо да усталык пашаж дене чак палыме лийна. Поэтессе, пеледыш семын шочынам манын, ойла. Тудо Кугече кечын эр ÿжара нöлталтме годым шочын, ешыштыже эн изи икшыве лийын. Садланак иза-акаже чаманен онченыт.

MardaRajakac_Arslan.jpg

Корамас школышто тунеммыж годымак ӱдыр чолга лийын. Техникумыштат, институтыштат тунеммыж годым эреак ончыл радамыште лийын. Кызытат тиде верымак налеш.

Усталыкшылан, лÿддымыкшылан кöрак Мардан Рая Америкымат ужын толын. Лачак тушто илымыж деч вара сÿретлаш кумылжо почылтын. Кызыт тудым кумдан палыме поэтессе семын гына огыл, а ынде сÿретче семынат ужына. Театр фоеште Раиса Ивановнан сÿрет выставкыжым ончышна.

MardaRaja_Arslan.jpg

А сылнымутыш Мардан Рая ушым шындыше, кугурак ийготышто толын. Тудын тачылан ныл книгаже уло: «Ойлымаш-влак» (Маргарита Ушакова ден Мардан Рая), «Тыге лийшаш улмаш», «Сылне пагыт», «Кö манеш, мыйын пагыт эртен?».

Пайрем касыште лач Мардан Раян почеламутшылан возымо муро-влак йоҥгалтыч.

Пагалыме, кумдан палыме поэтессам шуко палыме еҥ саламлыш: Зоя Берникова, Татьяна Денисова, Любовь Орлова, Светлана Львова, Татьяна Пчелкина, Виктор Берестов, Светлана Осипова, Александр Абдулов, Иван Ямбердов, Василий Пектеев, Олег Логинов, «Эркече» ансамбль да молат.

MardaRajakac6_Arslan.jpg

Вашлиймаш касыште вÿдышӧ, «Саскавий» марий ÿдырамаш ушемым вуйлатыше Ираида Степанова Мардан Раян ойлымашлаж гыч ужашым лудо. Ончышо-влак произведений-влакын лÿмыштым палаш тыршышт. Тыге кок еҥ Геннадий Шишков ден Зинаида Александрова поэтессын книгажым модын нальыч.

Раиса Ивановна чыла могырымат уста, вара кö тудо эн ончыч? Чолга еҥ тыге вашештыш: «Мый ны прозаик, ны поэт, ны сÿретче омыл. Мый кажне кечылан куанен илыше МАРИЙ ӰДЫРАМАШ УЛАМ!».

Кас «Авамлан» мурым рÿжге йоҥгалтарен мучашлалте.

MardaRajakac4_Arslan.jpg

Шергакан Раиса Ивановна, умбакыжат у деч у усталык кÿкшытым, вий-куатым, ÿдырамаш пиалым!

Автор: Вероника Мустаева,
Самырык этножурналист школын участницыже.

MardaRajakac15_Arslan.jpg

MardaRajakac1_Arslan.jpg

MakcimGromov_Arslan.jpg

MardaRajakac2_Arslan.jpg

MardaRajakac3_Arslan.jpg

MardaRajakac5_Arslan.jpg

MardaRajakac7_Arslan.jpg

MardaRajakac9_Arslan.jpg

MardaRajakac10_Arslan.jpg

MardaRajakac11_Arslan.jpg

MardaRajakac12_Arslan.jpg

MardaRajakac14_Arslan.jpg

Икымше лаштыкыш пöртылаш>>>
Назад на первую страницу>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.