12 июньышто республикысе Пеледыш пайрем вашеш йӱлашке савырныше Автокудалмаш эрта. Шым шагат эрдене Йошкар-Ола гыч (чынрак, М.Шкетан лӱмеш Марий кугыжаныш театр воктеч) шым машина корныш лектеш. Нуно кӱртньӧ имньыштым Курыкмарий велыш виктарат.

Автокудалмашыш чолга марий еҥ-влак ушнат. Тыгак Кужэҥер Токтайбеляк гыч "Ший памаш" ансамбльыш коштшо-влак каяш кумылаҥыныт. Ты мероприятийыш ушнышо-влак Пеледыш пайремлан надырым погат да калыкым 15 июньышто Йошкар-Олашке ӱжыт, вет тиде кечын лачак республикысе Пеледыш пайрем лиеш.Тудо тений тыглай огыл, лӱмгечан. Тидын нерген тыште кумданрак возымо - http://mari-arslan.ru/node/87

Йошкар-Ола гыч Курыкмарий кундемыш кудал мийыше-влак Пеледыш айоштат лийыт, тушко чумыргышо-влакым саламлат.

Корныда рыскалан лийже!!!

Фото архив гыч.