Мардан Рая дене Мый улам марий ӱдырамаш» сылне кас (видео, афише)

Вход на сайт

2015 ий 16 апрельыште «Саскавий» марий ӱдырамаш ушем «Мый улам марий ӱдырамаш» сылне касым эртара. Ты гана пагалыме да вучымо унана – кумдан палыме поэтессе Мардан Рая.

Пайрем 18 шагатлан Марий республикысе йочалан да самырыктукымлан театр-рӱдерыште тӱҥалеш. Касым Мардан Раян почеламутшо-влаклан возымо мурым йоҥгалтарыше артист-влак сӧрастарат.

MartPairem11_Arslan_0.jpg

Мардан Рая (Николаева Раиса Ивановна) 1946 ий 20 апрельыште Волжский район Чодраялыште шочын-кушкын. Сотнур школышто, Марий целлюлоз кагаз техникумышто тунемын. Воронеж кундем Новохоперск олаште пашам ыштен. Москосо чодыра технике институтшто тунемаш тӱҥалын, вара Марий политехник институтыш куснен. Озаҥыште, Йошкар-Олаште "Марбиофарм" заводышто пашам ыштен.

Раиса Николаева сылнымутыш кугу ийготан толын. Тудым усталык сомыл деке писатель Юрий Артамонов кумылаҥден. Ончыч прозым возен. Икымше ойлымашыже - «Юзо вате» - 1990 ийыште «Марий коммуна» газетын кум номерыштыже савыкталтын. «Ончыко» журналышкат возен. 1993 ийыште Маргарита Ушакова дене пырля «Авамын куэже» ойлымаш сборникым луктыныт.

Вара Мардан Рая поэзийыш куснен. Тудын почеламутшылан композитор Иван Егоров чонеш логалше ятыр мурым возен.

Мардан Раян икмыняр книгаже ош тÿням ужын: «Ойлымаш-влак» (Маргарита Ушакова и Мардан Рая), «Тыге лийшаш улмаш», «Сылне пагыт», «Кö манеш, мыйын пагыт эртен?». «Чолга шÿдыр - 2002» фестивальын дипломатше. Марий Эл Республикысе тÿвыран сулло пашаеҥже (2006). 2007 ий гыч Россий писатель ушемын еҥже.

Автор: Эльвира Куклина.
Поэтессе нерген возымо годым
«Писатели Марий Эл» (2008) книга дене пайдаланыме.

16.04.апрель. мый улам марий удырамаш. м.рая.jpg

Икымше лаштыкыш пöртылаш>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.