«Театр кӱвар» эстон фестивалыште «Кок сӱанат пеле» спектакль премийым налын (фото, видео)
Вход на сайт
2015 ий 6-7 мартыште Эстонийысе Вильянди олаште «Театр кӱвар» лӱман фестиваль эртыш. Тыште Яков Шкетанын «Кок сӱанат пеле» пьесе почеш шындыме спектакль ончыкталте. «Кок сӱанат пеле» пьесым эстон йылмыш марий кинорежиссёр Алексей Алексеев кусарен.
«Кок сӱанат пеле» спектакльым Сао гимназийыште туныктышылан тыршыше-влак шынденыт. Пьесе оҥайын кусаралтын. Эстон йылме дене сылне мут-влакым кучылтмо, туге гынат Шкетанын стильжым арален кодымо.
«Театр кӱвар» фестивальыште 15 спектакль ончыкталтын. Жури Яков Шкетанын «Кок сӱанат пеле» спектакльжым «Классике материалым эн сылнын ончыктымаш» премий денепалемдалтын.
Тыгак мемнан марий рвезе Алексей Алексеев эстон йылме дене Яков Шкетанын «Кок сӱанат пеле» пьесыштыже Сергушын рольжым чоҥымылан «Эн сай пӧреҥ роль» премийым сулен налын.
Тиде спектакльым Марий талешке кечын, 26 апрельыште, Таллин олаште ончыкташ шонат.
Салам дене, Таллин Марий ушем.
"КОК СӰАНАТ ПЕЛЕ" пьесым эстонла кусарыме.
Тидым Алексей Алексеев ыштен.
Фотошто театр режиссёр Лео Уулма ден кинорежиссёр Алексей Алексеев.
