«Ӱдырамаш корно» очерк конкурсышто сеҥыше-влакым саламлена! (фото)

Вход на сайт

Пöлекым налаш моткоч сай, но пöлекымат ыштыме годым чон куана. 10 декабрьыште Марий тиште кече дене кылдалтше пайрем касыште «Ӱдырамаш корно» очерк конкурсын сеҥышыже-влакым саламлышна.

IMG_7363.jpg

Тыгерак кумшо верыш лекше очеркын авторже Галина Сорокиналан (Провой кундем) кок тÿжемаш шийвундо пöлекым амалкалче, «Амарис» мебель салонын озаже Ольга Аптышева кучыктыш. Тудо эше «Мtour» фирмыж деч кум тÿжемаш купоным пöлеклыш – тидыже теҥыз воктеке кайышаш путёвкылан скидке.

DSC00395.jpg

Кокымшо верыш Морко вел гыч Лариса Петрова лектын ыле. Тудлан кум тÿжем теҥге пöлекым чолга марий ÿдырамаш Светлана Михеева пуыш. Ты пöлекым тудо йолташватыж-влак дене пырля чумырен.

DSC00400.jpg

Мо оҥайже, икымше верыш лекше очеркын героиньыже Валентина Петрова Пошкырт кундем Пÿрö ола гыч лÿмынак пайремыш толын. Тудын нерген шонаш таратыше очеркым шÿжарже Алевтина Кузнецова (Йошкар-Ола) возен. Алевтиналан вич тÿжем теҥгеаш пöлек «ОНА» йолчием кевытын озаже Нина Орман деч лийын.

IMG_7390.jpg

Тыгай татыште Алевтинан шкенжынат лишыл еҥжылан сайым ыштыде чонжо ыш чыте. Сценыштак Валентина акажлан автопортретшым кучыктыш. Алевтинан ÿдыржö-влакат кокаштлан пеледыш аршашым, шке кид дене ыштыме пеледышан кашпом пуышт.

DSC00406.jpg

А «Ӱдырамаш корно» очерк конкурсым «Саскавий» марий ÿдырамаш ушем да «Марий сандалык – Марийский мир» журнал редакций эртарен. Моткоч кугу тау амалкалче-влаклан да жюрилан – поэтессе Альбертина Ивановалан, писатель Лидия Семёновалан, драматург Александр Петровлан, журналист-влак Валерий Мочаевлан да Эльвира Куклиналан.

Лудса журналым – ончылно эше тÿрлö конкурс вуча!

Пагален, конкурсым эртарыше-влак.

IMG_6848+_0.jpg

DSC00407.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.