«Йылме да еҥ-влак кокласе кыл» конференцийлан ямдылалтына
Вход на сайт
Марий тиште кечым палемдыме кышкарыште 9 декабрьыште Йошкар-Олаште Марий кугыжаныш университетыште «Йылме да еҥ-влак кокласе кыл» регион-влак кокласе шанче-практик конференций эртаралтеш. Тудым Марий тӱвыра рӱдер, Марий кугыжаныш университетын калык культур да культур-влак кокласе кыл институт, В.М.Васильев лӱмеш йылмым, литературым да историйым научно шымлыше марий институт ямдылат.
Конференцийыште шымлызе, аспирант, студент, тӱвыра пашаеҥ да туныктышо-влак мутым "кучаш тӱҥалыт".
Пленар да секций паша радамыште тыгай йодыш-влакым нӧлталыт: Марий Элыште да Урал ден Юл кундемласе йылмым шымлымаш; кызытсе жапыште рушла-марла да марла-рушла йылмым кучылт моштымаш; кызытсе финн-угор йылмын илыме йӧнжӧ; йылме илыме шотышто йодыш, финн-угор йылме орфографийын, терминологийын вияҥмыже; йылмым вияҥдымаште да умбаке кумдаҥдымаште электрон увер йӧнын верже; марий йылме гоч посна калык улмым ончыктен моштымаш.
Конференцийыште кучылтмо йылме-влак: руш, марий, англичан, финн. Шымлымаш материал-влак почеш сборник лектеш.
Чумыр паша радамым викатарыше-влак: Кошкина Людмила Ивановна, тӱшка тӱвыра паша шотышто пӧлкам вуйлатыше, тел. (8362) 45-88-51; Гаврилова Валентина Григорьевна, Марий кугыжаныш университетын финн-угор йылме кафедрын доцентше, тел. 8-927-878-55-09.
Автор: Галина Петухова.
Республикысе марий тӱвыра рӱдерын сайтше - http://mari-centr.ru.
