«МУНЛО» интеллектуал марафон (ПОЛОЖЕНИЙ)
Вход на сайт
4 декабрьыште Марий тӱвыра рӱдер Марий Элын кечыжлан пӧлеклалтше Республик кӱкшытан «Мунло» интеллектуал марафоным эртара. У шонымашым илышыш шыҥдараш республикысе Тӱвыра, печать да калык-влакын пашашт шотышто министерстве, Туныктыш да шанче министерстве, Марий кугыжаныш университет полшат.
Интеллектуал марафонышто школышто, ссуз ден вузлаште тунемше-влак таҥасаш тӱҥалыт. Ик командышке 6 еҥ дене ушнат. Модыш кум тур дене эрта: I тур – «Шочмо кундемын лӱмлӧ еҥже-влак», II тур – «Марий калыкын йылмыже да литературжо», III тур – «Марий калыкын илыш-йӱлаже».
Модышым иктешлымеке, сеҥыше командылан куснылшо Кубок кучыкталтеш, да тудо «Мунло» интеллектуал марафонын чемпион лӱмжӧ дене палемдалтеш. Кокымшо да кумшо верыш лекше команде-влаклан шарнымаш пӧлек пуалтеш.
Марафоным эртарыме вер: Марий кугыжаныш университет (Йошкар-Ола, Кремль урем, 44 пӧрт). Модаш толшо-влак 9 шагатлан возалт кертыт, модыш 10 шагатлан тӱҥалеш.
Автор: Галина Петухова.
Республикысе марий тӱвыра рӱдерын сайтше - http://mari-centr.ru.
Mari
